龜山島的形影

離開故鄉，阮坐著火車，欲來去台北打拼，

看到海岸，馬看到汝的形影。

阮知影汝的毋甘，

拜託汝，乎阮走的開跤，

拜託汝，莫擱對阮金金看...

這馬，阮來夠外澳仔，

感謝汝的相送。

看到汝越頭翻身去，心內知影，汝已經諒解，

請相信阮若成功，真緊就的倒返來。

這改，

阮成功返來。

坐對火車對台北倒返來啊！

蹦空出來，石城仔！！！

就看到汝，歡頭喜面對阮金金看！

這擺，

阮正經是走袂開跤啊～

毋甘汝這世人，永遠徛直宜蘭對阮金金看。

（虫二）

註：宜蘭獨有的『龜山島』有其獨特性：由南側五結往北看，龜山頭朝南在右，從宜蘭最北端的石城看，龜山頭則是朝北在左，從外澳看，龜山島則像縮頭露尾的轉身。

借其特性來訴說，像一位母親不捨小孩的翹首相送、不捨無奈到理解、以及翹首迎接喜迎小孩歸鄉，這是宜蘭人出外打拼與成功返鄉的寫照。